“ИМОМ ТЕРМИЗИЙ” ЎРТА МАХСУС ИСЛОМ ТАЪЛИМ МУАССАСАСИДА ТАЪЛИМ ҚАНДАЙ!

Президент Шавкат Мирзиёевнинг 2019 йил 17-18 октябрь кунлари Сурхондарё вилоятига ташрифи давомида берган топшириқлари ижроси юзасидан 2020-2021 ўқув йилидан Сурхондарё вилояти Термиз шаҳрида “Имом Термизий” ўрта махсус ислом таълим муассасаси ташкил этилди.

Таълим муассасаси ўз фаолиятини расмий олиб бориши учун Ўзбекистон Республикаси Адлия вазирлиги томонидан 2020 йил 8 июнь куни 24-сонли гувоҳнома билан давлат рўйхатидан ўтказилди.

Диний экстремизм XXI асрда асосий глобал муаммолардан биридир. Айниқса, бу таҳдид охирги пайтларда Марказий Осиё мамлакатларида тобора долзарб бўлиб бормоқда. Ёшларнинг ислом ҳақидаги тасаввурларини шакллантириш, провокацион талқинларга ишонч билан жавоб бериш ва талабалар, мактаб ўқувчиларини тўғри йўлга йўналтириш учун диний таълим мутахассислари керак. Айнан мана шу мутахассислар юртимизда фаолият юритадиган 3 та олий ва 10 та ўрта махсус ислом таълим муассасасида, шу жумладан Сурхондарё вилоятида жойлашган Имом Термизий ўрта махсус ислом талим муассасада ўқийдилар.

Таълим муассасаси Ўзбекистон мусулмонлари идораси тасарруфидаги диний таълим маскани бўлиб, ўрта махсус диний маълумотли ислом шариати ва ҳадис илмлари мутахассиси, имом-хатиблар тайёрлайди. Таълим муассасада ўқиш муддати тўрт йил бўлиб, кундузги таълим шаклида олиб борилади. 

Бу эрда Сурхондарё, Тошкент, Андижон, Наманган, Фарғона, Жиззах, Қашқадарё вилоятларидан 77 нафар талабалар таҳсил олмоқда. Ҳудудлардан келган талабалар ётоқхона билан таъминланган.

Бу таълим муассасасида ўқитувчиларнинг аксарияти магистр. Таълим муассасасида 25 нафар ўқитувчи талабаларга таълим берадилар.

Ўқитувчиларимизнинг илмий фаолияти устувор масала. Улар мунтазам равишда турли тадқиқотларда қатнашадилар. Хусусан, улар Имом Термизий халқаро илмий-тадқиқот марказида илмий тадқиқотлар олиб борадилар. 

“Имом Термизий” ўрта махсус ислом таълим муассасасига қандай кириш мумкин.

Бу эрга ўғил болалар давлат тест синовлари асосида қабул қилинади. Улар Ўзбекистоннинг барча вилоятларидаги умумтаълим мактаблари, лицей ва коллежларнинг 11-синф битирувчилари бўлиши керак.

Бу эрда олий маълумотга эга бўлганлар ҳам ўқишлари мумкин. Ҳозирда 4-курс талабалари орасида 48 ёшли 3-курс талабалари орасида 49  ёшли талабалар ҳам бор.

Ҳар йили 500 га яқин киши “Имом Термизий” ўрта махсус ислом таълим муассасасига ҳужжат топширади, лекин ажратилган квота бўйича 15 та абитуриент қабул қилинади. 

Таълим муассасасида шартнома пули стипендиясиз 12 миллион, стипендияли 14 миллион сўм. Шу билан бирга, талабалар стипендияси, шунингдек, ҳар куни икки маҳал иссиқ овқат билан таъминланади. Айниқса, иқтидорли талабалар аъло ўқишлари учун кўпроқ пул мукофотларини олишлари мумкин.

Бу таълим муассасасида китобга алоҳида муносабат мавжуд. Ўқитувчилар таъкидлайдилар: китоб – фидойи ўқитувчи, билим ва маънавий ўсишнинг асосий манбаи.

Бизда ахборот-ресурс маркази фондида 10 мингдан зиёд китоблар бор. Кутубхона мунтазам равишда янги жаҳон бадиий адабиёти ва мумтоз адабиётлар билан тўлдирилади.

Ҳар йили бу ерда талабалар Мураттаб ва Мужаввид ёналишлари бўйича тайёрланадилар. Малакали ўқитувчилар раҳбарлигида талабалар Қуръон қироати мусобақасида иштирок этиш учун чиройли қироат борасида овозларини созлайдилар.

Уларнинг ҳар бири “Ўрта махсус диний маълумотли араб тилини биладиган исломшунос ва воиз” мутахассислигини олади.

Бу илм даргоҳидан катта мақсадлар кўзланган. Бу таълим муассаса келажакда Ватанимиз тараққиётига, юртимизда илм-фаннинг ривожланишига ва халқимизнинг юксак маърифат соҳиби бўлишига ҳамда ёшларимизнинг юксак одоб-ахлоқ эгаси бўлиб етишига катта ҳисса қўшади. Бу даргоҳда таълим олган ёшларимиз эртага малакали мутахассислар сифатида халқимизнинг диний-маърифий илмини янада бойишига, ёшларимиз онгини ёт мафкуралардан ҳимоя қилишга, динимиз софлигини одамлар онгига сингдиришга хизмат қилади. Битирувчилар диний экстремистик ва фундаменталистик ғояларга илмий асосланган ҳолда раддия беришлари мумкин.