Қуръони каримда зикр қилинган сакинат

Аллоҳ таоло Қуръони каримда уч нарсада сакинат борлигини зикр қилган. Улар қуйдагилар Тун, уй ва жуфти ҳалолда; Аллоҳ таоло Анъом сураси 96- оятида қуйдагича марҳамат қилади:

 وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ذَٰلِكَ تَقْدِيرُ الْعَزِيزِ الْعَلِيمِ فَالِقُ الْإِصْبَاحِ

“Тонгни ёриб оттирувчи, кечани истироҳат вақти қилган, қуёш ва ойни ҳисобга кўра ҳаракатлантириб қўйган ҳам У дир. Мана шу Ғолиб ва билувчи зотнинг белгилаб қўйган ўлчовидир”.

Тунни Аллоҳ таоло биз инсонлар, ҳайвонат, наботат, ва барча нарсалар учун сукунат қилиб қўйганлигини биз ақил эгалари биламиз. Тунда ором оламиз.

Аллоҳ таоло яна бир ояти Наҳл сураси 80-оятида бунда дейди: 

اللّهُ جَعَلَ لَكُم مِّن بُيُوتِكُمْ سَكَنًا

“Аллоҳ уйларингизни ўзингизга оромгоҳ қилиб берди”. 

Дарҳақиқат инсоннинг уйи энг қулай оромгоҳи ҳисобланади. Шунинг учун ислом динида инсоният уй-жойини озода сақлашга буюрилган.

Аллоҳ таоло бошқа бир ояти Рум сураси 21-оятида сакинат ҳақида бундай дейди:

وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ

“Ва сизларга сокинлик топишингиз учун ўзингиздан жуфтлар яратганлиги ва ораларингизда севги ва марҳаматни солиб қўйгани (ҳам) Унинг оят-белгиларидандир. Албатта, бунда тафаккур қиладиган қавмлар учун оят-белгилар бордир”.

Албатта Аллоҳ таоло инсоннинг ўзидан унга жуфт яратиб беришни “сокинлик” демоқда. Барчамизга сир эмаски эркак ўз аёлидангина,  аёл эса ўз эридангина сокинлик ва оромни  топади.

Олимлар шу зикри келган уч ўриндаги сакинат битта ўринда (бир инсон)га жам бўлса яъни бир инсонни яшаш учун уй-жойи бўлса ва тунда ўз жуфти ҳололи билан сокинликда осуда ҳаёт кечирса ўша кишига тўлиқ сакинат берилгандир дейишган.

Аллоҳ таолога чексиз ҳамду санолар айтамизки зикр қилиб ўтилган сакинат неъмати бизнинг юртдошларимизга тўла-тўкис Аллоҳ таоло тамонидан берилган. Бу укуғ нематларни бардавом бўлишини Аллоҳдан сўраб қоламиз. 

Омонов Оллоёр - “Имом Термизий” ЎМИТМ, Ўқув ишлари бўйича директор ўринбосари

“Имом Термизий” ЎМИТМ матбуот хизмати