“ЎЗБЕКИСТОН РЕСПУБЛИКАСИ ДАВЛАТ БАЙРОҒИ ҚАБУЛ ҚИЛИНГАНЛИГИНГ 31 ЙИЛЛИГИ”

Имом Термизий ўрта махсус ислом таълим муассасасида Ўзбекистон Республикаси давлат байроғи қабул қилинганлигининг 31 йиллиги  муносабати билан тадбир ташкил этилди. 

Тадбирда таълим муассасаси юристи С.Қурбонов “Республикамиз давлат байроғидаги рамзлар Ўзбекистон сарҳадида қадимда мавжуд бўлган давлатлар билан тарихан боғлиқликни ҳамда юртимиз ҳудудида яшовчи миллат ва элатларнинг анъаналарини ўзида мужассамлаштирганлиги” ҳақида талабаларга атрофлича маълумот берди.

Жорий йилнинг 17 ноябрь санасида муассаса талабалари ўртасида “Муқаддас Ватан байроғи” ва “Шуҳратинг порласин токи бор жаҳон” шиорлари остида иншолар танлови ўтказилиб ғолиблар аниқланган эди. Ушбу тадбир давомида таълим муассасаси ўқитувчиси Х.Чоршанбиев танловда ғолиб бўлган талабаларни табриклаб, китоб ва эсдалик совғаларни топширди.


Таълим муассасаси матбуот хизмати