БИРИНЧИ САФДА НАМОЗ ЎҚИШ

Маълумки, жамоат билан ўқилган намоз, ёлгиз ўқилган намоздан 27 даража фазилатлирокдир. Жамоат намозини биринчи сафда укишнинг ажри эса янада купрокдир.
عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّىاللَّهُ عَلَيْهِ وَسَلَّمَ قَالَ لَوْ تَعْلَمُونَ أَوْ يَعْلَمُونَ مَا فِي الصَّفِّ الْمُقَدَّمِ لَكَانَتْ قَرْعَةً. رَوَاهُ الْمُسْلِمُ .
Абу Ҳурарйра розияллоҳу анҳудан ривоят қилинади:
"Набий соллаллоҳу алайҳи васаллам: “Аввалги сафда қандай фазилат борлигини билганингизда ёки билганларида эди, албатта (биринчи саф учун) қуръа ташлаш бўлар эди”, дедилар”. (Имом Муслим ривояти)

Бароъ розияллоҳу анҳудан ривоят қилинади: "Расулуллоҳ соллаллоҳу алайҳи васаллам: “Аллох ва Унинг фаришталари биринчи сафга салавот айтадилар", дедилар". (Имом Аҳмад ривояти)

عَنْ عِرْبَاضِ بْنِ سَارِيَةَ رَضِيَ اللهُ عَنْهُ أَنَّ رَسُولَ الله صَلَّى اللهُ عَلَيْهِ وَسَلَّمَ كَانَ يَسْتَغْفِرُ لِلصَّفِّ الْمُقَدَّمِ ثَلَاثًا
وَلِلثَّانِي مَرَّةً. رَوَاهُ ابْنُ مَاجَةَ .
Ирбоз ибн Сория розияллоҳу анҳудан ривоят
қилинади:
"Расулуллоҳ соллаллоҳу алайҳи васаллам аввалги сафда намоз ўқувчига уч марта, иккинчи сафда намоз ўқувчига бир марта истиғфор айтар эдилар”. (Ибн Можа ривояти)
Шу боис, киши ҳар доим биринчи сафда намоз ўқиш пайида бўлиши лозим. Ҳар сафар ҳам бунинг иложи бўлмаса, доимо биринчи саф фазилатини қўлга киритишни ният қилиш даркор. Шуни унутмаслик керакки, биринчи қаторга зўрлик билан ёриб кириш жоиз эмас. Чунки, бунда бошқаларга азият етиб колиши мумкин.
عن ابنِ عَبَّاسٍ رَضِيَ اللهُ عَنْهُ قَالَ قَالَ رَسُولُ اللَّهِ صَلَّى اللهُ عَلَيْهِ وَسَلَّمَ مَنْ ترَكَ الصَّفَ الْأَوَّلَ مَخَافَةَ أَن يُؤْذِيَ أَحَداً أَضْعَفَ اللَّهُ لَهُ أَجْرَ الصَّف الْأَوَّلِ. رَوَاهُ الطَّبَرَانِيُّ.
Ибн Аббос розияллоҳу анҳудан ривоят қилинади: "Расулуллоҳ соллаллоху алайхи васаллам: “Ким бошқаларга азият беришдан қўрқиб, биринчи сафни тарк килса, Аллох таоло унинг учун аввалги саф ажрини икки баробар қилиб беради", дедилар". (Табароний ривояти)

✍Абдусалом домла Фатуллаев
Ўзбекистон мусулмонлари идораси Сурхондарё вилояти вакили ўринбосари