ҲАМДАРДЛИК БИЛДИРАМИЗ

🤲 Имом Термизий ўрта-махсус ислом таълим муассасаси  жамоаси кўп йиллар диний соҳада хизмат қилган Самарқанд вилояти Ургут тумани бош имом-хатиби Шоди домла Хақбердиевнинг вафоти муносабати билан у кишининг барча оила аъзоларига чуқур таъзия изҳор этади.

🤲 Аллоҳ таоло марҳум уламо Шоди домлани  Ўз мағфиратига олсин, иймонларини саломат қилсин, солиҳ амалларини ўзларига ҳамроҳ айласин. Охиратларини обод этиб, жойларини Фирдавс жаннатларидан қилсин!

🤲 Ҳақ таоло марҳумнинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Имом Термизий ўрта-махсус ислом таълим муассасаси жамоаси  номидан марҳум уламонинг оила аъзолари, ёр-биродарлари, яқинларига ҳамдардлик билдирамиз.

«Иннаа лиллааҳи ва иннаа илайҳи рожиъуун!»

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Имом Термизий ўрта-махсус ислом таълим муассасаси