ИЛМ АҲЛИНИ ЭЪЗОЗЛАШ ИЙМОНДАНДИР

Кейинги  пайтларда ижтимой тармоқларда баъзи бир, бемазҳаб  бидъатчи тоифалар, сохта салафийларнинг раҳнамолари  томонидан  илм  аҳилларига,  улуғ мужтаҳид  даражасига етган уламоларга нисбатан хар ҳил асосий бӯлмаган  буҳтонларига гувоҳ бӯлмоқдамиз. Энг ачинарлиси Мужтаҳид даражасига етган уламоларнинг Ислом  оламида  энг мӯътабар  ҳисобланган айрим  асарларини ёки тафсирга оид китобларини юзаки  ёзилган  китоблар деб айтмоқдалар. 

Аслини олганда бу  ҳатти  ҳаракатлари билан Аҳли сунна вал жамоа аҳлининг бирлиги ва  бирдамлигини бузишдан иборатдир.

Ҳақиқат шуки  Ислом илм эгаларини қадрлайдиган диндир. Аллоҳ таоло Қуръони каримда шундай марҳамат қилади :

“Аллоҳ сизлардан иймон келтирган ва илм ато этилган зотларни (баланд) даража (мартаба)ларга  кўтарур." (Мужодала 11). 

Яна Аллоҳ таоло Қуръони каримда шундай марҳамат қилади:

"Бандалари  орасида Аллоҳдан уламоларгина  қўрқарлар"... ( Фотир 28 ).

Пайғамбаримиз соллаллоҳу алайҳи васаллам ҳам илм эгаларининг қадри ва шарафини улуғлаганлар.

Имом Бухорий ва Имом Муслим саҳиҳларида қуйидаги ҳадис ривоят қилинган: 

Муовия ибн  Суфён розияллоҳу анҳу  айтадилар: Мен Расулуллоҳ соллаллоҳу алайҳи васаллам: Аллоҳ  кимга яхшиликни ирода этса, уни  дин  ичида фақиҳ (теран англовчи) қилиб қўяди, деганларини эшитдим.

Бошқа бир ҳадисларида жанобимиз соллаллоҳу алайҳи васаллам шундай деганлар:

إن الله وملائكته وأهل السموات والأرضين حتى النملة في جحرها وحتى الحوت ليصلون على معلم الناس الخير

Яъни  “Аллоҳ, Унинг фаришталари, осмон ва ер  аҳиллари, ҳатто уясидаги чумоли ва денгиздаги балиқлар ҳам одамларга яхшилик ўргатувчи пайғамбарлар  меросхӯри бӯлган олимларга мағфират тилаб дуо қилишади”. (Имом Термизий).

Инсониятга ҳалолу-харомни, оқу-қорани ўргатадиган аҳлу уламоларнинг шарафи шу даражадаки, Аллоҳ жамики жонзотларга илм эгаларини ҳурмат қилишни, уларнинг ҳаққига дуо қилишни, қадрига етишни тайинлаган ва таълим берган. Аллоҳга иймон келтирган, Расулуллоҳ соллаллоҳу алайҳи ва салламга эргашган ҳар бир мусулмон илм эгаларини қадрлаши, кўнглини олиши, уларнинг ҳаққига мағфират сўраб дуо қилиши керак. 

Бу ишни ер, осмон ва ҳатто денгиздаги жамики жониворлар Аллоҳнинг амри билан зиммаларидаги бурчлари ўлароқ адо этишади. Фақатгина кофир ва мунофиқлар бундан мустасно.

Кофирлар, иймони халқумидан нарига ўтмаган юзаки мусулмон мунофиқлар эса дин ва маърифат улашувчи илм эгаларини ёмон кўришади. Уларни кўрганда юраги сиқилади. Ютуқларидан ҳаловатини юқотади. Улар мақталганда эса ғашлари келиб, ижирғаниб ўтиришади. Уларнинг ҳаққига мағфират сўраб дуо қилиш ўрнига, уларни қарғайди, ҳақоратлайди. Уларга нисбатан бўҳтонлар қилишиб обрӯ  эътиборларини тӯкиш  пайида бӯлишади. Мақсадлари эса ёш авлодни аҳлу уламога эргашишдан тусишдан иборатдир.

Халқ Аҳли илмларга эргашмаса оламонни қӯрқитиш бӯйсундириш  қул қилиш осон бӯлади.  Маънавиятдан узилган халқ тўппа тўғри залолатга югириб кетади. 

Аҳли илмлар бор экан маънавият, дин мусаффолиги  сақланиб қолинади.

Аллоҳ таъолонинг ўзи барчамизни Пайғамбарлар  меросхўрлари  бӯлган аҳли уламоларга эргашувчи ва уларни севувчи бандалардан қилсин. Омин. 

Денов туман Нурил-Ислом жомеъ

масжиди имом хатиби Абдуҳошим Ҳамидов