МАҲМУДХЎЖА БЕҲБУДИЙ УЙ-МУЗЕЙИДА ҚАНДАЙ АШЁЛАР САҚЛАНАДИ? (1-қисм)

Маърифатпарвар бобомиз ва унинг ижоди, фаолиятига оид нодир экспонатлар, китоблар, қўлёзмалар, журналистик материаллар, саҳналаштирган асарлари ҳамда адиб яшаган давр ҳақида қимматли маълумотлар Самарқанд шаҳридаги Мир Саид Барака кўчасида жойлашган Маҳмудхўжа Беҳбудий уй-музейида сақланади. Уй-музей каталоги ва унга киритилган экспонатлар тарихчилар, музейшунос, санъатшунос олимлар ҳамда кенг жамоатчилик учун муҳим манба саналади.

Уй-музейи каталоги: 

Беҳбудий Самарқандда ўзига хос илмий-маърифий муҳит яратган ва "Туркистон жадидларининг отаси" деган номга сазовор бўлган. Музей катологида ва сақланаётган экспонатларда бобомиз ташаббуси билан       1903-йилдаСаид Аҳмад Сиддиқий билан биргаликда Самарқанд атрофидаги Ҳалвойи ҳамда Абдулқодир Шакурий билан биргаликда Ражабамин маҳаллаларида янги мактаблар ташкил этгани ҳақидаги маълумотлар бор. "Маҳмудхўжа Беҳбудийнинг ҳаёти ва ижоди" экспозитсиясида намойиш этилаётган "Мухтасар тарихи ислом", "Алифбои мактаби исломия", "Амалиёти исломия", "Матқали жуғрофия умрони" асарлари эса ана шу янги усул мактаблари учун дарслик сифатида яратилганини кўриш мумкин. 

Мазкур экспозитсияда Беҳбудий билан бир даврда ижод қилган жадидларнинг асарлари ҳам бор. Булар - Саид Васлий қаламига мансуб "Маданият ва зоифа шарияти исломия", Саид Аҳмад Сиддиқий қаламига мансуб ва Абдулқодир Шакурий томонидан чоп этилган "Анжумани арвоҳ", Мунавварқори қаламига мансуб "Ислом ақидалари", Абулқосим Охунзода Ганжийнинг "Рисолаи иттиҳодия" асари, Абдуқодир Шакурийнинг "Жоми-ул ҳикоёт" асарларидир.

“Имом Термизий” ЎМИТМ матбуот хизмати