МАҲМУДХЎЖА БЕҲБУДИЙ УЙ-МУЗЕЙИДА ҚАНДАЙ АШЁЛАР САҚЛАНАДИ? (3-қисм)

Олимнинг замондошлари, сафдошлари ва шогирдлари: 

"Беҳбудийнинг замондошлари, сафдошлари ва шогирдлари" номли бўлимда алоҳида ўринни арча қипиғи ва тут дарахтидан қўлда ясалган глобус эгаллайди. Унинг юзасида лак билан қопланган материклар, океанлар ва денгизлар, тоғлар ва турли мамлакатларнинг контурлари акс эттирилган. Экваторнинг кенг чизиғида ўн иккита бурж белгиси тасвирланган.

Глобус 1313-1895-йилларда ишлаб чиқарилган бўлиб, муаллиф ўз даврининг билимдонларидан бири Хўжа Юсуф Мирфаязов (1842-1924)нинг исми тўртта бурчакда араб ёзувида кўрсатилган. Глобус Маҳмудхўжа Беҳбудий замонида бошқа фанлар қаторида география ва картография ҳам ривожланганлигининг белгисидир.

“Имом Термизий” ЎМИТМ матбуот хизмати